إنشاء متجر إلكتروني مستقل بدون منصة

● متاح · خدمة تنفيذ كاملة

متجر إلكتروني خاص فيك، نبرمجه لك من الصفر بنفس الطريقة اللي بنينا فيها متجر اختصار اللي تتصفحه الحين. بدون اشتراك شهري لأي منصة، وبدون عمولة على مبيعاتك، وبتصميم ما يتكرر عند غيرك.

📦 وش يشمل السعر

• تصميم بهوية متجرك: ألوان وخطوط تناسب نشاطك، وشعار نصي بسيط إذا ما عندك شعار.
• حتى 30 منتج نضيفها لك بالصور والأسعار والأوصاف (من بياناتك)، مقسمة على أقسام.
• سلة مشتريات وإتمام طلب: العميل يختار ويدفع، ويوصلك الطلب كامل على واتساب برقم الطلب والتفاصيل.
• طرق الدفع: تحويل بنكي على حسابك، وstc pay، وPayPal. (الدفع بالبطاقة مدى/فيزا غير مشمول، انظر تحت).
• الشحن: رسوم شحن ثابتة تحددها أنت، أو مجاني، أو مجاني فوق مبلغ معين.
• صفحة لكل منتج مجهزة لمحركات البحث (عنوان ووصف وبيانات منظمة)، وخريطة موقع، وملف منتجات جاهز لـ Google Merchant Center (قوقل للتسوق).
• بحث وفلاتر داخل المتجر، وأكواد خصم.
• تقييمات العملاء مع لوحة بسيطة توافق فيها على التقييم قبل ظهوره وترد عليه.
• صفحات السياسات: الاسترجاع والشحن والخصوصية، وروابط التواصل وواتساب.
• دومين باسمك مع شهادة أمان SSL (قفل https)، ونربطه لك.
• متوافق مع الجوال وسريع جداً، لأنه مبني بكود خفيف بدون إضافات ثقيلة.

🚫 غير مشمول

🧭 خطوات التنفيذ

1. تطلب الخدمة وتدفع من السلة، أو تراسلنا على واتساب نتفاهم قبل.
2. نرسل لك نموذج قصير على واتساب: اسم المتجر، نشاطك، الألوان، المنتجات، طرق الدفع والشحن.
3. نحجز الدومين اللي تختاره (باسمك وعلى حسابك).
4. نصمم ونبرمج المتجر ونرسل لك رابط معاينة تجربه من جوالك.
5. تعديلات: تعطينا ملاحظاتك ونعدل (جولتين مجاناً).
6. الإطلاق: نشغل المتجر على الدومين، ونضيفه في Google Search Console وGoogle Merchant Center، ونشرح لك كيف توصلك الطلبات.

📋 وش نحتاج منك

• اسم المتجر والدومين اللي تبيه (نقترح عليك إذا ما عندك).
• الشعار إن وجد، والألوان المفضلة.
• المنتجات: صورة واضحة واسم وسعر ووصف قصير لكل منتج (ملف إكسل أو رسائل واتساب، أي طريقة تناسبك).
• بيانات الدفع: رقم الآيبان واسم البنك، ورقم stc pay، وإيميل PayPal (اللي تبيه منها).
• رقم الواتساب اللي تستقبل عليه الطلبات، وطريقة الشحن ورسومه.
• رقم وثيقة العمل الحر أو السجل التجاري إن وجد (يظهر أسفل المتجر ويزيد الثقة).

تقدر ترسلها كلها على واتساب بعد الطلب، ونبدأ التنفيذ من يوم ما تكتمل.

⏱ المدة والتعديلات والدعم

• التسليم خلال 5 إلى 7 أيام عمل من استلام بياناتك كاملة.
• جولتين تعديل مجاناً قبل الإطلاق (ألوان، ترتيب، نصوص، صور).
• 30 يوم دعم بعد الإطلاق: إصلاح أي خلل مجاناً، وتعديلات بسيطة على المنتجات والأسعار.

💰 التكاليف بعد التسليم

• الدومين: تجديد سنوي فقط (باسمك وعلى حسابك).
• الاستضافة: مجانية على Cloudflare.
• التعديلات بعد 30 يوم: حسب الطلب، وتقدر تسأل عن السعر قبل أي تعديل.

👁 أمثلة من متجر اختصار نفسه

لقطات جوال من متجر اختصار، مبني بنفس الطريقة: الواجهة، وقسم «ليش تطمّن» وطرق الدفع، وصفحة منتج، والسلة وإتمام الطلب.

❓ أسئلة شائعة

الإلغاء والاسترجاع

تقدر تلغي وتسترجع المبلغ كامل قبل ما نبدأ التنفيذ. بعد البدء يُسترد المبلغ مقابل الجزء اللي ما تنفذ. تفاصيل السياسة